14-10-26 晨靜樹木園
去韓國旅行唔想黎黎去剩係去首爾，但又唔想太遠嘅話，好多人都會揀去京畿道或者江原道。
其實京畿道唔係係首爾「旁邊」，而係包圍住首爾，近到其實係係江南再落少少就已經進入京畿道嘅領域（我最鍾意嘅盆唐都係個到，下次介紹返）。
位於京畿道加平嘅晨靜樹木園（아침고요수목원）係好多人鐘意連埋小法國村一齊去嘅地方，甚至再chur啲會連埋南怡島一齊去，但對於我地呢啲鍾意以龜速旅行嘅人絕對唔建議將三個地方擺埋係同一日，
因為南怡島同呢到係可以花掉大半日嘅地方。
睇旅遊書個陣已經覺得呢個樹木園好靚，唔同層次嘅紅色同黃色樹木堆疊埋一齊，睇相就明我講咩啦～哈哈～
我地食嘢個陣，本來同屋企人坐係隔離嘅阿珠媽特登走過黎問我地食唔食紫菜包飯（김밥 ) ，我地唔好意思想拒絕，話音未落佢就已經將김밥連一袋泡菜比我地話，食啦食啦，我地有好多食唔哂T^T 好感動，佢地自己整嘅김밥真係唔會fail，好好食～
最後走個陣其實只係輕輕咁問左老闆點搭返車去小法國村，佢同員工傾完一輪之後，將可行嘅交通辦法畫左出黎整理好比我地呢三個少不更嘅事豆丁睇，所以個日雖然個園區好多人好多人，但係陌生人同陌生人之間只會出現你幫我影相我幫你影相嘅情況，令唔算寧靜嘅晨靜樹木園都可以比人一個好愉快嘅下晝～:D
Search